JOHN LLOYD - KC MOVIE

[lotters]

February 13, 2008 05:59 PM Wednesday Article read 2,682 time(s)

JOHN LLOYD-KC movie, palit sa JOHN LLOYD-Ate Vi
By: Mercy Lejarde
Tell & Tell

“MILLION-dollar endorser ng Biogesic” ang intro ng Star Magic PR directress na si Rikka Dylim kay JOHN LLOYD Cruz sa presscon ng gamot na laging sinasabi ni Lloydie na “safe ’to kahit walang laman ang tiyan. Ingat!”

After a year, eto nga at muling kinuhang endorser ng Biogesic si JOHN LLOYD, kaya ibig sabihin, effective siyang endorser.

“I’m very happy dahil eto, it’s another year with Biogesic, kasi iba ’yung pakiramdam na nag-e-endorse ka ng isang brand na talagang pinaniniwalaan mo. So, I’m very thankful,” ani Lloydie during the open forum.

After the Q&A portion, nilusob namin si Lloydie for more intriguing questions.

Ipinagtanggol nito si Ate Vi (Vilma Santos) kung bakit tila na-shelve na ang pelikulang noon pa pinag-uusapang gagawin nila abroad, dahil nga super busy ang governor ng Batangas at kailangan din namang mag-move on ni Direk Olive Llamasan.

So, totally shelved na, ganu’n?

“Well, ako, I’m still hoping. I’m giving it until this year. Well, sana… sana matuloy pa rin,” sey ng fave naming actor, na hindi lang mukhang malinis, kundi malinis talaga pati kuko sa kamay at butas ng ilong, in fairness.

“Ang magiging kapalit ba nu’n ay ’yung movie n’yo ni KC Concepcion?” hirit na tanong ng yours truly.

“’Yon nga ’yung naririnig ko, pero kagaya ng ibang projects ko, kung wala pa riyan, ang hirap kasing magsalita, eh.

“Minsan, kahit sa iyo na, napupunta pa sa iba, napapalitan ka, so, hangga’t hindi pa napalalabas, ang hirap pang angkinin. Minsan kasi, may nangyayari kahit na-shoot mo na, puwede ka pang tanggalin,” sey nitech.

Oo nga naman. That’s showbiz, you know.

Anyway, excited ba siya na maging ka-partner sa pelikula si KC?

“Kakailanganin ko ng maraming Biogesic,” birong sagot nito.

Bakit naman?

“Kasi, sa kaba pa lang at sa tension, sasakit na ang ulo ko, hahaha! Siyempre, KC Concepcion, maraming nakatutok. Eto nga, parang bali-balita pa lang, ang dami nang nagtatanong. What more kung natapos na ’yung pelikula or ginagawa n’yo na?” eksplika nito.

Uuuy, baka tipong afraid lang siyang ma-in love kay KC, hahaha! In fairness, bagay sila, ha!

[lotters]

ABANTE


JOHN LLOYD, scared kay KC Concepcion!



SI JOHN LLOYD Cruz umano ang napipisil ng Star Ci­nema na makatambal ni KC Concepcion sa unang pelikula ng dalaga. Sa presscon ng Biogesic, na kung saan ay endorser si JOHN LLOYD, parang nalula siya sa kuwento na siya ang makakatambal ni KC sa unang pelikula ng anak nina Sharon Cuneta at Gabby Concepcion.

“Wow! I’m scared!” naka­ngiting reaksiyon ni JOHN LLOYD.

“Well, it could be an honor to work with her, kasi alam naman natin na siya ang pinaka-in demand na pa­ngalan ngayon sa business, sa endorsements niya, `yung kabuuan ng package niya.

“Sana, kung matutuloy man, I’m sure baba­litaan naman ako ng Star Cinema. Pero at the same time, `yung mga ganiyang kagagandang pro­ject, medyo ayaw ko munang asahan, kasi baka dumulas pa sa kamay mo at hindi talaga mangyari,” say ni JOHN LLOYD.

Pero, hindi itinatanggi ni JOHN LLOYD na gusto niyang ma-experience na makasama si KC. At excited din si JOHN LLOYD na panoorin ang Maalaala Mo Kaya episode sa Friday, na si KC nga ang bida.

“Exciting `yon na makita siya sa Pinoy TV screen.”

Nilinaw na rin ni JOHN LLOYD ang tsismis na may anak na siya. Nagulat pa nga si JOHN LLOYD na tinanong siya ng isang reporter tungkol sa pagkakaroon daw niya ng anak.

“Wala po tayong anak. Anak lang po ako, pero wala po akong anak.

“I’m turning 25 this year, at sa tingin ko, sa punto ng buhay ko nga­yon, alam ko pa kung ano ang dapat kong unahin.

“Darating tayo riyan. Sa tingin ko, bata pa ako, meron pa akong time to enjoy my liberty, to enjoy `yung pagiging single, at pagiging being able to work, and to show my talent,” sabi na lang ni JOHN LLOYD

[lotters]

ABANTE-TONITE



JOHN LLOYD, excited makatambal si KC
ni: Joe Barrameda



Tuwang-tuwa si JOHN LLOYD Cruz sa renewal ng contract niya bilang endorser at spokesperson ng Biogesic, ang pinaka-basic na gamot sa bawat bahay ng mga Filipino.
Sa report ng mga taga-Biogesic ay successful ang campaign nila last year sa tulong ng Prince of Drama, napaka-charming at maamo ang mukha.
Kaya gaya last year ay eto na naman ang Biogesic sa bago nilang ad campaign, at may bagong commercial si Lloydie.
Maraming mga tanong ang ibinato kay JOHN LLOYD sa presscon -- kesyo may ibang babae siya at may anak nang 3 y/o.
Nagtanong si JOHN LLOYD kung may pangalang sinabi ang nagpapalutang sa tsismis na ito. Nang malaman niya ay wala ay nagpapasalamat siya.
Napaka-unfair daw nu’n sa babaeng inili-link sa kanya na ikakasira nito dahil walang katotohanan ito.
Normal lang daw sa isang katulad niya na 24 y/o at artista na itsismis kung kani-kanino.
Ang current girlfriend niya na si Liz ay tanggap ang mga tsikang ito dahil artista ang boyfriend niya.
Sa Araw ng mga Puso bukas ay wala pang plano si JOHN LLOYD kung ano ang gagawin nila dahil may trabaho siya.
Alam din daw niya kung paano paligayahin ang syota kahit hindi sila mag-celebrate bukas.
Nalungkot si Lloydie na hindi matutuloy ang movie nila ni Governor Vilma Santos dahil sa pagiging abala nito sa Batangas.
Hindi naman maitago ni Lloydie ang tuwa nang matanong siya sa napapabalita na siya ang hihiranging Box Office King ngayong taong ito with Bea Alonzo as the Box Office Queen.
Tungkol sa napapabalitang tambalan nila sa pelikula ni KC Concepcion, tuwa na may halong pangamba ang sagot ni JOHN LLOYD dahil sa kanya pupunta ang pressure, hindi pa man naipalalabas ang pelikula.
Basta ang maipapa­ngako niya ay ibibigay niya ang lahat ng talent niya sa paggawa ng pelikulang ito at ang production na lang bahala kung paano ibebenta ang pelikula.

[ELEAU]

Wala pang news about his Greenwich endorsement?